انسى أحزانك:
وش رايك ننسى الهم ونطرد مخاوفنا
والهموم اللي بقلبي وقلبك نواسيهم
نعيد أول لقا وجمال الليالي من تعارفنا
لهفة شوقي وشوقك والمشاعر نباريهم
نتذكر الحنين والشوق ويازين سوالفنا
من يبان الخجل بخدودك والود أوافيهم
نكتم الكلام ومايحس بيه غير معارفنا
يتلعثم اللسان من السؤال الله يهديهم
العين والقلب تنوب عن لساننا وشفايفنا
يهل الدمع ويشتد النبض بذكر طاريهم
علموهم الوفا والمحبة خطانا ووصايفنا
عهد مانحيد عنه ونظل نطلبهم ونناديهم
هذي حقيقة مشاعر واحاسيس عواطفنا
ياترى هذا احساسهم ويبان في معانيهم
نهر غرامهم هو مقصدنا وتمتلي مغارفنا
ترياق وسلسبيل والعهد لهم دوم نحتريهم
الزعل والعتب مرفوض وتتكسر مجادفنا
بموج غلاهم ونبحر بساح بحرهم ونرضّيهم
طيفهم يداعب الخيال وبكل لحظة مضايفنا
تنور عتمة ليلنا ويحلى الجو والسعادة بيهم
بالله يالغلا لو شفت هالبوح ارحم مدامعنا
جروح القلب ماغيرك يداويهم ويشفيهم
@عزالدين الحميري@
تعليقات
إرسال تعليق